撰文：歐卓榮註冊中醫師　康德堂中醫診所

醫師：你做咩掩住塊面呀？

病人：我塊面好恐怖呀﹗

醫師：你都要比我睇下有幾恐怖先得架。

醫師：嘩﹗好嚴重喎。等我把脈先，伸條脷黎睇下。

醫師：你都幾虛喎﹗飲左好多廿四味同龜苓膏？

病人：你點知架？ d 人話飲涼茶好，清熱解毒。點知飲極都係咁﹗呢排仲好似差左添﹗

醫師：你係有火，但屬於虛火，唔係實火﹗涼茶一般都係去實火。

病人：咁點算呀﹗我飲左勁多﹗

醫師：如果你屬於肺經風熱，實熱證就可以喇﹗現在我們會用滋陰降火既方法幫你消除暗瘡，將虛火引下去﹗記住無啦啦就唔好去飲涼茶同凍野喇﹗如果唔係遲 d 會出現痛經，手腳凍架喇﹗

暗瘡小常識：

暗瘡又稱青春痘、粉刺、痤瘡，是青春期常見的一種皮脂腺慢性病。由於皮脂腺分泌皮脂過於旺盛，導致毛孔堵塞，誘發炎症。除了面部不潔、護理不善導致暗瘡外，中醫更認為與內臟失調有關。主要分為肺經風熱、脾胃濕熱、痰凝脾肺、肝脾血瘀、肝腎陰虛證和沖任失調等。

預防暗瘡小貼士：

1. 注意面部清潔和護理。
2. 避免進食煎炸、肥膩、過甜的食物、鵝類、海鮮、羊肉等，並少喝冷飲。
3. 避免吸煙喝酒。
4. 多做運動，到戶外呼吸新鮮空氣。
5. 充足的睡眠和休息有助身體復原和調節。
6. 合宜的社交活動和培養興趣有助疏導情緒，減少長暗瘡。